EUR-Lex El acceso al Derecho de la Unión Europea
Este documento es un extracto de la web EUR-Lex
Documento 31996L0058
Directive 96/58/EC of the European Parliament and the Council of 3 September 1996 amending Directive 89/686/EEC on the approximation of the laws of the Member States relating to personal protective equipment
Id-Direttiva 96/58/KE tal-Parlament Ewropew u tal-Kunsill tat-3 ta’ Settembru 1996 li temenda d-Direttiva 89/686/KEE dwar l-approssimazzjoni tal-liġijiet ta’ l-Istati Membri rigward l-apparat personali protettiv
Id-Direttiva 96/58/KE tal-Parlament Ewropew u tal-Kunsill tat-3 ta’ Settembru 1996 li temenda d-Direttiva 89/686/KEE dwar l-approssimazzjoni tal-liġijiet ta’ l-Istati Membri rigward l-apparat personali protettiv
ĠU L 236, 18.9.1996, p. 44/44
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
Ya no está vigente, Fecha de fin de validez: 20/04/2018; Impliċitament imħassar minn 32016R0425
Official Journal L 236 , 18/09/1996 P. 0044 - 0044
Id-Direttiva 96/58/KE tal-Parlament Ewropew u tal-Kunsill tat-3 ta’ Settembru 1996 li temenda d-Direttiva 89/686/KEE dwar l-approssimazzjoni tal-liġijiet ta’ l-Istati Membri rigward l-apparat personali protettiv IL-PARLAMENT EWROPEW U L-KUNSILL TA’ L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 100a tiegħu, Wara li kkunsidraw il-proposta mill-Kummissjoni [1], Wara li kkunsidraw l-opinjoni tal-Kumitat Ekonomiku u Soċjali [2], Filwaqt li jaġixxu skond il-proċedura stabbilita fl-Artikolu 189b tat-Trattat [3], Billi d-Direttiva 89/686/KEE [4] tenħtieġ li t-tagħmir kollu personali protettiv (PPE) iġorr il-marka "CE" u din il-marka tkun akkumpanjata b’tagħrif addizzjonali li jkun jikkorrispondi mas-sena li fiha l-marka kienet imwaħħla; Billi din l-indikazzjoni tas-sena mhix fattur li jibbenefika s-sigurtà ta’ dak li juża l-PPE; billi din l-indikazzjoni tista’ tiġi mħawda mad-data ta’ skadenza li għandha titwaħħal mal-PPE li jiqdiem; Billi l-twaħħil ta’ l-indikazzjoni tas-sena huwa piż għall-manifatturi tal-PPE; billi l-ispiża ta’ dan il-piż mhix daqshekk negliġibbli; Billi, minħabba l-prinċipju tas-sussidjarjetà, is-simplifikazzjoni li tirriżulta għall-manifatturi mit-tneħħija tal-ħtieġa li tiġi indikata s-sena li fiha l-marka "CE" kienet imwaħħla tista’ tintlaħaq biss permezz ta’ Direttiva li temenda d-Direttiva 89/686/KEE, ADOTTAW DIN ID-DIRETTIVA: L-Artikolu 1 Fl-Anness IV li jinsab mad-Direttiva 89/686/KEE il-kliem li ġej għandu jitħassar: "Tagħrif addizzjonali: - L-aħħar żewġ numri tas-sena li fiha l-marka ‘CE’ kienet imwaħħla; dan it-tagħrif mhux meħtieġ fil-każ tal-PPE riferit fl-Artikolu 8(3)." L-Artikolu 2 1. L-Istati Membri għandhom qabel l-1 ta’ Jannar 1997, jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Għandhom javżaw minnufih b’dan lill-Kummissjoni. Għandhom japplikaw dawn il-miżuri mill-1 ta’ Jannar 1997. Meta l-Istati Membri jadottaw dawn il-miżuri, għandu jkun fihom referenza għal din id-Direttiva jew ikunu akkumpanjati b’dik ir-referenza fl-okkażjoni tal-publikazzjoni uffiċjali tagħhom. Il-metodi ta’ kif għandha ssir ir-referenza għandhom jiġu stabbiliti mill-Istati Membri. 2. L-Istati Membri għandhom jikkomunikaw mal-Kummissjoni t-test tad-dispożizzjonijiet tal-liġi nazzjonali li jadottaw fil-kamp regolat b’din id-Direttiva. L-Artikolu 3 Dan ir-Regolament għandu jidħol fis-seħħ fl-20 jum ta’ wara dak li fih jiġi ppubblikat fil-Ġurnal Uffiċjali tal-Komunitajiet Ewropej. L-Artikolu 4 Din id-Direttiva hija indirizzata lill-Istati Membri. Magħmula fi Brussel, fit-3 ta’ Settembru 1996. Għall-Parlament Ewropew Il-President K. Hänsch Għall-Kunsill Il-President I. Yates [1] ĠU C 23, tas-27.1.1996, p. 6. [2] ĠU C 97, ta’ l-1.4.1996, p. 8. [3] L-Opinjoni tal-Parlament Ewropew tal-22 ta’ Mejju 1996 (ĠU C 166, ta’ l-10.6.1996, p. 60), pożizzjoni komuni tal-Kunsill tal-10 ta’ Ġunju 1996 (ĠU C 220, tad-29.7.1997, p. 11) u Deċiżjoni tal-Parlament Ewropew tas-17 ta’ Lulju 1996 (ĠU C 261, tad-9.9.1996). [4] ĠU L 399, tat-30.12.1989, p. 18. Direttiva kif l-aħħar emendata bid-Direttiva 93/68/KEE (ĠU L 220, tat-30.8.1993, p. 1) u 93/95/KEE (ĠU L 276, tad-9.11.1993, p. 11). --------------------------------------------------